चिनियाँ राष्ट्रपति कोरोना महामारीपछि पहिलो पटक मुख्यभूमि बाहिर

चीनले बेलायतबाट आफ्नो अभिन्न भूभाग हङकङ फिर्ता लिएको आज २५ वर्ष पूरा भएर २६ वर्ष लागेको छ । बेलायतले ९९ वर्षको औपचारिक उपनिवेशपछि उक्त टापु चीनलाई हस्तान्तरण गरेको हो ।

भिन्न राजनीतिक व्यवस्था भएका मुलुकबीच भएको सहमतिअनुसार चीनले हङकङलाई ‘एक देश, दुई व्यवस्था’ को सिद्धान्तअन्तर्गत सन् १९९७ जुलाई १ मा लिएको हो । २५ वर्षअघि आजैका दिन बेलायती युवराज चार्ल्स, प्रधानमन्त्री टोनी ब्लेयर र हङकङका २८ औँ तथा अन्तिम गभर्नर क्रिस प्याट्टनले हङकङको चाबी चीनलाई बुझाएका थिए ।

आज त्यहि हङकङमा आयोजित विशेष समारोहमा सहभागी हुन चिनियाँ राष्ट्रपति सी चिनपिङ हिजै त्यहाँ पुग्नुभएको छ । राष्ट्रपति सी कोरोना महामारीपछि मुख्यभूमि छाडेर पहिलो पटक हङकङ पुग्नुभएको हो ।

आजको विशेष समारोहलाई उल्लासमय बनाउन हङकङका मुख्य सडक र चोकमा चीन र हङकङको झण्डा हिजैदेखि फहराइएका छन् ।

सिन्ह्वाका अनुसार सन् १९९७ को तुलनामा हङकङको कूल गार्हस्थ उत्पादन बढेर दोब्बरभन्दा बढी पुगेको छ ।

तपाईको प्रतिक्रिया

सम्बन्धित समाचार