गुण्डा नाइके राधे भण्डारी पक्राउ

धादिङ । राजनीतिक आवरणमा गुण्डागर्दी गर्दै आएका गुण्डा नाइके राधाकृष्ण भण्डारी उर्फ ‘राधे’ पक्राउ परेका छन् ।

जिल्ला प्रहरी कार्यालय धादिङको टोलीले उनलाई पक्राउ गरेको हो ।

वडाध्यक्षका उम्मेदवारलाई ज्यान मार्ने धम्की दिएको आरोपमा उनलाई पक्राउ गरिएको धादिङ प्रहरी स्रोतले बतायो ।

भण्डारीको समूहले शनिबार साँझ धादिङवेशीस्थित निलकण्ठ ३ का स्वतन्त्र उम्मेदवार राजकुमार श्रेष्ठलाई ज्यानमार्ने धम्की दिएका थिए ।

श्रेष्ठले आफूलाई ज्यान मार्ने धम्की आएको सामाजिक सञ्जालमार्फत जानकारी गराएका थिए ।

राधेको समूहले धादिङका विभिन्न स्थानमा आतंक नै मच्चाउँदै आएको छ ।

धादिङ प्रहरीले भने राधे पक्राउ परेको बारे आधिकारीक जानकारी दिएको छैन ।

तपाईको प्रतिक्रिया

सम्बन्धित समाचार