चुनावको दिन भीषण वर्षा हुने चेतावनी, सचेत रहन विज्ञको सुझाव

जलवायुविद्हरुले स्थानीय तहको निर्वाचन आगामी शुक्रबारका दिन मुलुकभर वर्षा हुने भविश्यवाणी गरेका छन् । त्यसको निम्ति आवश्यक पूर्वतयारी गर्न उनीहरुले सम्बन्धित सबैलाई सचेत गराएका छन् ।

बंगालको खाडीमा बैशाख अस्तिदेखि उत्पन्न न्यूनचापीय अवस्था आजबाट समुन्द्रीआँधीको रुपमा विकसित हुँदै गएकाले त्यसको असर नेपालमा पनि पर्ने बताइन्छ । त्यसको निम्ति आवश्यक पूर्वतयारी गर्न विज्ञहरुले सुझाएका हुन् ।

उक्त आँधीको असर भारतको उडिसालगायत पूर्वी तटीय क्षेत्रमा बढी देखिने छ । नेपालमा भने आगामी बुधबारबाट प्रभाव देखिने जलवायुविद् डा. धर्मराज उप्रेतिले जानकारी दिनुभयो ।

चुनावकै दिन वर्षा हुने पुर्वअनुमान गरिएकै समयमा बंगालको खाडीमा विकसित न्यूनचापीय अवस्थाका कारण विशेष गरेर पूर्वी नेपालमा ठूलो वर्षा हुने सम्भावना बढेको हो ।

‘२५ गतेदेखि बंगालको खाँडीमा न्यूनचापीय अवस्था समुद्री आँधीको रुपमा विकसित भएको छ । यो अवस्था बैशाख गत बिहीबारदेखि उत्पन्न भएको हो । न्यूनचापीय अवस्था विकसित हुँदै गर्दा आजदेखि त्यसले समुद्री आँधीको रुप लिएको छ । त्यसलाई भारतको मौसम विज्ञान विभागले आसानी समुद्री आँधीको नाम दिएको छ,’ उहाँले भन्नुभयो ’त्यो आँधीको प्रभाव नेपालको पूर्वी भागमा वैशाख २७ गते रातिदेखि २८, २९, ३० मा बढी देखिने सम्भावना छ ।’

जलवायुविद् डा. उप्रेतीले निर्वाचनको दिनमा पानी पर्ने सम्भावनालाई मध्यनजर गर्दै मतपत्र, मतपेटिकालगायतको सुरक्षामा ध्यान दिन पनि सुझाव दिनुभएको छ ।

तपाईको प्रतिक्रिया

सम्बन्धित समाचार