साताको सेयर बजार : ११७ अंक घट्यो

काठमाडौं । पछिल्लो समय घट्दै गएको सेयर बजार यो साता पनि नराम्ररी ओरालो लाग्यो । यो साता नेपाल स्टक एक्सचेञ्ज (नेप्से) मा ठूलो गिरावट आएपछि सेयर लगानीकर्ताहरु आत्तिएककाक छन् ।

साताका ५ कारोबार दिनमध्ये ३ कारोबार दिन मात्रै खुलेको नेप्सेमा ११७ अंकको गिरावट आएको हो । अघिल्लो साताको अन्तिम कारोबार दिनमा नेप्से परिसूचक २३५६.१७ अंकमा थियो । जुन, यो साताको अन्तिम कारोबार दिनसम्म आइपुग्दा ५ प्रतिशतले घट्दै २२३८.६२ अंकमा आइपुगेको हो ।

यो साता सोमबार, बुधबार र विहीबार मात्रै सेयर कारोबार भयो । आइतबार र मंगलबार सार्वजनिक विदा परेकाले कारोबार बन्द रह्यो । पछिल्लो समय निरन्तर घटिरहेको सेयर बजारले यस सातापनि घट्दो लयलाई पछ्याएको हो ।

३ कारोबार दिनमा ४ अर्ब ३५ करोड रुपैयाँ हाराहारीको कारोबार भएको छ । यो दैनिक औषतमा १ अर्ब ४५ करोड रुपैयाँको कारोबार हो । यस्तै, निरन्तर घटिरहेको सेयर बजारको पूँजीकरण पनि घट्दो स्थितीमा छ । करिब ४४ खर्ब रुपैयाँ पुगेको नेप्सेको पूँजीकरण अहिले ३१ खर्ब रुपैयाँमा आइपुगेको छ । परिसूचक ११७ अंकले घट्दा यसै साता पूँजीकरण १ खर्ब ६६ अर्ब रुपैयाँले घटेको छ ।

तपाईको प्रतिक्रिया

सम्बन्धित समाचार