प्राकृतिक सौन्दर्य पाउन यसो गर्नुहोस्

सबैलाई सुन्दर हुन मन लाग्छ । महिलालाई दैनिक जीवनमा छाला सम्बन्धी धेरै प्रकारको समस्याको सामना गर्नुपर्छ । राति अबेरसम्म नसुत्दा पनि अनुहारमा कालो घेरा आउने गर्छ । बजारमा उपलब्ध धेरै उत्पादनको प्रयोग गर्दा कहिलेकाहीँ साइड इफेक्ट पनि देखिन्छ । यदि कुनै साइड इफेक्ट बिना सुन्दर छाला चाहनुहुन्छ भने, यी टिप्स पालना गर्नुहोस् ।

ताजा सागसब्जी उपभोग
कस्तो प्रकारको खाना खाइरहनुभएको छ, त्यो कुरामा ध्यान दिन जरुरी हुन्छ । आहारमा ताजा फलफूल, हरियो सागसब्जी, प्रशस्त प्रोटिन र भिटामिन समावेश गर्नुहोस् । भिटामिन सी युक्त, कम बोसो, कम चिनी भएको खाना खानुहोस् । यसले छालाको सौन्दर्य बढाउन मद्दत गर्छ ।

एक्सरसाइज
नियमित एक्सरसाइज गर्नुहोस् । दौडनु र योग गर्नु शरीरको लागि धेरै महत्त्वपूर्ण छ । कसरत गर्दा अनुहारमा चमक स्पष्ट रूपमा देखिन्छ । त्यस करण नियमित एक्सरसाइज गर्नुहोस् ।

पर्याप्त निन्द्रा
शरीरका लागि कम्तीमा ८ घण्टा सुत्न आवश्यक छ । यदि पर्याप्त निद्रा पाउनुहुन्न भने शरीर थकित देखिन्छ । त्यसैले पर्याप्त निन्द्रा लिनु स्वास्थ्य तथा छालाका लागि फाइदाजनक हुन्छ ।

सनस्क्रिमको प्रयोग
सूर्यको हानिकारक किरणले उमेर अघि नै चाउरी, दाग र छाला सम्बन्धी समस्या निम्त्याउँछ । त्यसैले घरबाट बाहिर निस्कँदा सनस्क्रिम लगाउन नबिर्सनुहोस् । यसले तपाईँको छालालाई खतरनाक घामका किरणबाट जोगाउँछ ।

तपाईको प्रतिक्रिया

सम्बन्धित समाचार