रुसको ऊर्जा ब्लयाकमेलबाट नआत्तिन अमेरिकी राष्ट्रपति बाइडेनको आग्रह

एजेन्सी । अमेरिकी राष्ट्रपति जो बाइडेनले शुक्रबार वासिङ्टनले रुसलाई प्रतिबन्धबाट बाहिर निस्कन वा ब्ल्याकमेल गर्न नदिने टिप्पणी गरेका छन् ।

रुबलमा ग्यासको भुक्तानी गर्न अस्वीकार गरेपछि रुसको ऊर्जा कम्पनी ग्याजप्रोमले बुधबार पोल्याण्ड र बुल्गेरियालाई प्राकृतिक ग्यास आपूर्ति कटौती गरेपछि वासिङ्टनको यो टिप्पणी बाहिर आएको हो ।

‘हिजो रुसले हाम्रा दुई सहयोगीहरूलाई ऊर्जा आपूर्ति बन्द गर्ने धम्की दियो। मलाई स्पष्ट पार्न दिनुहोस्स् हामी रूसलाई जारी प्रतिबन्धबाट बाहिर निस्कन वा ब्ल्याकमेल गर्न दिनेछैनौं,’राष्ट्रपति बाइडेनले ट्वीटमा उल्लेख गरेका छन्।

अमेरिकी राष्ट्रपतिले वाशिंगटनले रूसबाट ग्यास ब्ल्याकमेलको धम्की दिएका युरोपेली सहयोगीहरूलाई मद्दत गर्न अन्य राष्ट्रहरूसँग काम गरिरहेको बताए। ‘हामी अन्य राष्ट्रहरूसँग काम गर्दैछौं , जस्तै दक्षिण कोरिया, जापान र कतार। रुसले गरिरहेको ग्यास ब्ल्याकमेलबाट युरोपेलीलाई उनीहरूको ऊर्जा आवश्यकताहरू अन्य तरिकाबाट पूरा गर्न मद्दत गर्ने हाम्रो प्रयास रहन्छ,’ ट्वीटमा थप भनिएको छ ।

तपाईको प्रतिक्रिया

सम्बन्धित समाचार