अमेरिकी सेना काठमाडौंबाट हिँडे, सशस्त्र प्रहरी काठमाडौं छिरे

नेपालमा भएको सैन्य अभ्यासमा सहभागी अमेरिकी सेनाको एउटा टोलीलाई लिएर अमेरिकी वायु सेनाको एउटा विमान हिजो बिहान उडेको छ । विगत केही समयदेखि विभिन्न टोली लिएर आउने र लिएर जाने क्रममा अमेरिकी वायु सेनाको विमान नियमितझैँ काठमाडौं आउन थालेको हो ।

हिजो पनि अमेरिकी वायु सेनाका ओडी ९१३२ उडान नम्बरको विमान बिहान साढे ८ बजे बैंककतर्फ उडेको हो । नेपाली सेना र अमेरिकी सेनाले संयुक्त रुपमा सञ्चालित एक्स ब्यालेन्स नेल तालिममा सहभागी १४ जना अमेरिकी सैनिकलाई बोकेर उक्त विमान उडेको हो ।

विमानमा पाँच जना चालक दलका सदस्य रहेको त्रिभुवन विमानस्थल कार्यालय स्रोतले जनाएको छ ।

हिजै बिहान ७ बजे इथियोपिएन एअरको चार्टर जहाज काठमाडौंमा अवतरण गरेको थियो । उक्त विमान दक्षिण सुडानमा शान्ति स्थापनार्थ खटिएका सशस्त्र प्रहरीको डफ्फालाई लिएर काठमाडौं आएको हो ।

सशस्त्र प्रहरी नायव उपरीक्षक खेमराज ठगुन्नाको कमाण्डमा एक सय ६२ जना सशस्त्र प्रहरी कर्मचारी र नेपाली सेनाका बिदामा आएका १० जना गरि एक सय ७२ जना यात्रु बोकेर उक्त विमान आएको हो ।

सशस्त्र प्रहरी र नेपाली सेना ती सबैलाई छाडेर विमान पौने ९ बजे उतै फर्केको हो ।

यसैबीच हिजो बिहान नेपाली सेनाको स्काइ ट्रक एनए ०४१मा रहेका ११ जनालाई बोकेर बिहान सवा ८ बजे काठमाडौं आएको हो । उक्त ट्रकले माउण्टेन फ्लाइट गरेको हो ।

तपाईको प्रतिक्रिया

सम्बन्धित समाचार