३५ अंकले ओरालो लाग्यो नेप्से

काठमाडौं ।मंगलबार पनि शेयर बजार ओरालो लागेको छ ।

हिजो अर्थात सोमबार करिब ३५ अंकले ओरालो लागेको नेपाल स्टक एक्सेन्च (नेप्से) परिसुचक आज पनि दोहोरो अंकले घटेको छ ।

कारोबारको अन्तिम समयसम्म आइपुग्दाँ नेप्से परिसुचक १५.०२ अंकले घटेर २३७०.९९ बिन्दुमा पुगेको हो । नेप्से ०.६३ प्रतिशतले घटेको हो । यस्तै, सेन्सेटिभ परिसूचक पनि १.७४ अंकले घटेर ४५२.९५ विन्दुमा झरेको छ ।

कूल २२८ कम्पनीको ३४ लाख १९ हजार २ सय २८ कित्ता शेयर खरिदबिक्री हुँदा एक अर्ब ४ करोड ६० लाख १४ हजार ४ सय १७ रूपैयाँ बराबरको कारोबार भएको छ ।

कारोबार भएका कूल १३ उपसमूहमध्ये आज ११ वटा उपसमूहको शेयर घटेको छ । बाँकी २ वटा उपसमूहको शेयर बढेको छ ।

मंगलबार सिद्धार्थ बैंक लिमिटेडको सर्वाधिक कारोबार भएको छ । बैंकको ४ करोड २१ लाख ८२ हजार रूपैयाँ बराबरको कारोबार भएको हो ।

आज जाल्पा सामुदायिक लघुवित्त वित्तीय संस्था लिमिटेडको शेयरमूल्यमा सकारात्मक सर्किट लागेको छ । संस्थाको शेरयरमूल्य ९.९९ प्रतिशतले बढेर ९ सय ४४ रूपैयाँ ४० पैसाा पुगेको छ ।

यस दिन हिमालयन पावर पार्टनरको शेयरमूल्य सबैभन्दा धेरै घटेको छ । कम्पनीको शेयरमूल्य ५.४१ प्रतिशतले घटेर ४ सय २० रूपैयाँमा झरेको छ ।

तपाईको प्रतिक्रिया

सम्बन्धित समाचार