कपालको स्याहारमा कागतीको फाइदा

रोग प्रतिरोधात्मक क्षमता बढाउने खानेकुराको बारेमा कुरा गर्दा सबैभन्दा पहिले कागतीको नाम आउँछ । भिटामिन सी र एन्टिअक्सिडेन्ट प्रचुर मात्रामा हुने भएकाले कागतीको सेवनले रोग प्रतिरोधात्मक क्षमता बढाउनुका साथै शरीरलाई स्वस्थ राख्छ ।

त्यसैगरी, कागतीको सेवन छालाका लागि निकै फाइदाजनक मानिन्छ । कागतीलाई पिम्पल, सुक्खा छाला र नीरस छाला जस्ता समस्याहरूबाट छुटकारा दिन प्रयोग गरिन्छ ।

तर, के तपाईंलाई थाहा छ छालाजस्तै कागती कपालको समस्याबाट छुटकारा पाउन पनि निकै उपयोगी हुन्छ । यस लेखमा तपाईंले कपालको विभिन्न समस्यामा कागती प्रयोग गर्नुका फाइदाहरू र यसको प्रयोग गर्ने केही तरिकाहरू पढ्नुहुनेछ । आउनुहोस् जानौँ कपालको हेरचाह दिनचर्यामा कागती कसरी प्रयोग गर्न सकिन्छ ।

कागतीका फाइदाहरू
कागती भिटामिन ‘सी’ युक्त खानेकुरा भएकाले यो तत्व कपाल र टाउकोको लागि निकै फाइदाजनक साबित हुन्छ । कपालको लागि कागतीको उपयोगिताको केही प्रमाण अध्ययनमा पनि फेला परेको छ ।

केही अध्ययनका अनुसार कागतीको सेवनले टाउकोको डन्डीफोर र विभिन्न प्रकारका इन्फेक्सनबाट छुटकारा दिलाउन फाइदाजनक हुन्छ । अर्कोतर्फ, नरिवलको तेल, कपुर, जैतुनको तेल र महजस्ता प्राकृतिक तत्वहरू मिसाएर कागती लगाउनाले कपालको विभिन्न समस्याहरू निको हुन्छ ।

–कागतीमा भिटामिन ‘सी’ हुन्छ जसले कोलाजेनको उत्पादन र कपालको लम्बाइ बढाउँछ । यसो गर्दा कपालको फोलिकल्स उत्तेजित हुन्छन् र कपालको वृद्धि हुन्छ । साथै कपाल झर्ने नियन्त्रण पनि कम हुन्छ ।
–टाउकोको चाया र पिम्पलबाट छुटकारा पाउन घरेलु उपचारमा कागती रसको प्रयोग गर्न सक्नुहुन्छ ।
–कागतीको रस र बोक्रामा एन्टिफङ्गल तत्वहरू पाइन्छ, त्यसैले यसको प्रयोग कपालमा डन्ड्रफबाट राहत पाउन मद्दत गर्छ ।

तपाईको प्रतिक्रिया

सम्बन्धित समाचार