सुन्दर हुने घरेलु उपाय

हाम्रो किचनमा दैनिक प्रयोग हुने यस्ता चिजहरू छन् जसको प्रयोगले अनुहारमा निखारता ल्याउनमा मद्दत गर्दछ ।

सबैभन्दा महत्त्वपूर्ण कुरा त यसको प्रयोगले नकारात्मक असर हुने सम्भावना धेरै कम हुन्छ । हामी घरायसी सामग्रीको प्रयोगबाट गोरोपन निखारता र सफाइ पाउन सकिन्छ ।

बदामको तेल
गर्मी मौसमा धेरै मानिसको छालामा रुखोपना देखिन्छ । यस्तो अवस्थामा बदामको तेल प्रयोग गर्नु राम्रो हुन्छ । रातमा सुत्नुभन्दा पहिले बदामको तेल लगाएर सुत्ने गर्नाले बदामको तेलबाट दाग धब्बा हटाउन मद्दत गर्दछ र छालालाई नरम बनाउँदछ ।

कागती र गुलाबको जल
गर्मी महिनामा ओठमा समस्या देखिने हुँदा विशेष ध्यान दिनुपर्ने हुन्छ । यसको लागि कागतीको रस, ग्लिसरिन र गुलाब जल मिसाएर मिश्रण तयार गर्ने हरेक बेलुका सुत्ने बेलामा मिश्रण लगाउने गर्नाले ओठ नरम र गुलाबी हुन्छ ।

काँक्रो
यदि, आँखाको मुनि कालो घेरा (डार्क सर्कल) आएको छ भने उक्त कालो घेरालाई हटाउनको लागि काँक्रो सबैभन्दा राम्रो मानिन्छ । काँक्रोलाई पातलो टुक्रा पारेर आँखामा राख्ने यसले आँखालाई ठण्डा बनाउँछ र कालो घेरा हटाउन मदत गर्दछ ।

मह
कहिलेकाहीँ छालाहरू मरेको हुन सक्छ जसले अनुहारको चमकतामा कमी ल्याउँछ । यस्तो अवस्थामा मह कागती र चिनीको मिश्रण बनाएर अनुहारमा लगाउनाले छाला सफा हुन्छ र नियमित प्रयोगले छालामा निखारता पनि आउँछ ।

दूध
अनुहारको चमकता हराएको छ भने घरमा नै पाइने दूध र मह मिलाएर अनुहारमा लगाउने र सुकेपछि सफा गर्ने । यसरी हप्ताको दुईपटक यसको प्रयोग गर्नाले अनुहारमा चमकता आउँछ ।

तपाईको प्रतिक्रिया

सम्बन्धित समाचार