दक्षिण अफ्रिकामा बाढीका कारण ३९५ जनाको मृत्यु, ४१ हजार मानिस प्रभावित

एजेन्सी । दक्षिण अफ्रिकामा बाढीका कारण करिब चार सय व्यक्तिले ज्यान गुमाएपछि शुक्रबार राष्ट्रपति सिरिल रामफोसाद्वारा बाढी पीडितका नाममा प्रार्थना गर्न नागरिकलाई आग्रह गरेका छन् ।

चर्चको भाषणको क्रममा राष्ट्रपति रामाफोसाले दक्षिण अफ्रिकामा बाढीले ग्रस्त मानिसहरूका लागि प्रार्थना गर्न आह्वान गरेका हुन् ।

दक्षिणपूर्वी तटीय शहर डर्बान र वरपरका इलाकाहरूमा विपत्ति आएको पाँच दिनपछि पनि उद्धारकर्ताहरूले दर्जनौँको खोजी कार्य जारी राखेका छन् भने अहिलेसम्म ३९५ जनाको मृत्यु भएको सरकारले पुष्टि गरेको छ ।

रामफोसाले बाढी प्रभावित क्षेत्रमा पुगी केटाकेटीलगायत १० जना सदस्य गुमाएको परिवारका सदस्यलाई भेटी समवेदना प्रकट गरेका थिए । दक्षिण अफ्रिकामा यो साता आएको बाढीले करिब ४१ हजार मानिसलाई प्रभावित बनाएको छ ।

तपाईको प्रतिक्रिया

सम्बन्धित समाचार