तपाईँको स्मार्टफोनमा कुन भर्सनसम्मको वाई-फाई सपोर्ट छ, थाहा छ ?

काठमाडौं । नयाँ स्मार्टफोन खरिद गर्दाको बखत धेरैजसोले वाई-फाईको विषयमा ध्यान दिइरहेका हुँदैनन् । जब कि वाई-फाई फोनका लागि निकै महत्त्वपूर्ण विषय हो ।

हुन त वाई-फाई अनेक प्रकारको हुने गर्दछ भन्ने कुरा सायद थोरैलाई मात्र थाहा होला । जसले तपाईँको फोन तथा इन्टरनेट कनेक्टिभिटीमा सिधा सम्बन्ध राख्छ ।

यसको अर्थ यदि तपाईँको फोनमा पुरानो पुस्ताको वाई-फाई रहेको छ भने तपाईँको फोनको इन्टरनेट स्पिड स्लो हुन सक्छ । भलै तपाईँको स्मार्टफोन नयाँ नै किन नहोस् ।

हाई स्पिड इन्टरनेटका बावजुद पुराना पुस्ताका वाई-फाईका कारण स्पिड सुस्त हुने गर्दछ । यस्तोमा नयाँ स्मार्टफोन खरिद गर्दाको समयमा त्यसमा पुरानो भर्सनको वाई-फाई त छैन भनेर यकिन गर्न नभुल्नुहोस् ।

साधारण शब्दमा भन्नुपर्दा वाई-फाईले तपाईँको लागि कभरेज र स्पिड तय गर्दछ । पछिल्लो समयको वाई-फाई प्रविधिले धेरै कभरेज एरिया र तीव्र स्पिड सपोर्ट गर्दछ ।

कसले गर्‍यो वाई-फाईको आविष्कार ?

वाई-फाई अहिलेको समयमा निकै लोकप्रिय वायरलेस नेटवर्किङ प्रविधि हो । वाई-फाई अर्थात वायरलेस फिडेलिटीको आविष्कार सन् १९९१ मा नेदरल्यान्डको एनसीआई कर्पोरेसन तथ एटी एन्ड टीले गरेको थियो ।

वाई-फाईका लागि तीन चिजको आवश्यकता हुन्छ । जसमा रेडियो सिग्नल, एन्टेना र राउटर पर्दछन् । रेडियो वेभ वाई-फाई नेटवर्कको लागि निकै जरुरी हुन्छ । कम्प्युटर तथा मोबाइल फोन वाई-फाई कार्डको साथमा आउने गर्दछन् ।

कति प्रकारको हुन्छ वाई-फाई ?

पहिलो पटक सन् १९९७ मा वाई-फाईमा आईईईई (इन्स्टिच्युट अफ इलेक्ट्रिक एन्ड इलेकट्रोनिक्स इन्जिनियरिङ) को तर्फबाट वाई-फाई सार्वजनिक गरिएको थियो । तत्कालीन समयमा यसलाई ८०२.११ए नाम दिइएको थियो ।

वाई-फाई वान

सार्वजनिक भएको वर्षः सन् १९९७

पहिलो पुस्ता- (८०२.११बी)

स्पिड-११ एमबीपीएस

फ्रिक्वेन्सी- ५ गिगाहर्ज

वाई-फाई टु

दोस्रो पुस्ता- (८०२.११ ए)

सार्वजनिक भएको वर्षः सन् १९९९

स्पिड-५४ एमबीपीएस

फ्रिक्वेन्सी-२.४ गिगाहर्ज

वाई-फाई थ्री

तेस्रो पुस्ता-(८०२.११ जी)

सार्वजनिक भएको वर्षः सन् २००३

स्पिड-५४ एमबीपीएस

फ्रिक्वेन्सी-२.४ गिगाहर्ज

वाई-फाई फोर

चौथो पुस्ताः (८०२.११एन)

सार्वजनिक भएको वर्षः सन् २००९

स्पिड- ३०० एमबीपीएस

फ्रिक्वेन्सी-२.४ गिगाहर्ज र ५ गिगाहर्ज

वाई-फाई फाइभ

पाँचौ पुस्ता-(८०२.११एसी)

सार्वजनिक भएको वर्ष- सन् २०१४

स्पिड- १.३ जीबीपीएस

फ्रिक्वेन्सी-५ गिगाहर्ज

वाई-फाई सिक्स

छैटौँ पुस्ता-(८०२.११ एएक्स)

सार्वजनिक भएको वर्षः सन् २०१८

स्पिड-१० जीबीदेखि १२ जीबीसम्म

फ्रिक्वेन्सी- २.४ तथा ५ गिगाहर्ज

वाई-फाई सिक्स ई

सार्वजनिक भएको वर्षः सन् २०२१

स्पिड- १२ देखि १७ जीबीपीएससम्म

फ्रिक्वेन्सी- २.४ गिगाहर्ज, ५ गिगाहर्ज र ६ गिगाहर्ज

तपाईको प्रतिक्रिया

सम्बन्धित समाचार