मालपोत कार्यालयका निमित्त प्रमुख ५ लाख घुससहित पक्राउ

काठमाडौं । मालपोत कार्यालय धनुषाका निमित्त प्रमुख सुनिलकुमार झा घुस लिएको आरोपमा पक्रा परेका छन् ।

जनकपुरधामको भानुचौकबाट आज बिहान अख्तियार दुरुपयोग अनुसन्धान आयोग बर्दिवास कार्यालयले घुससहित पक्राउ गरेको हो ।

उनले सेवाग्राहीसँग ५ लाख घुस लिएको आरोप छ । जग्गाको हकछाप मुद्दाको फैसला प्रयोजनको लागि सेवाग्राहीसँग घुस लिएको आरोपमा पक्राउ गरिएको अख्तियार दुरुपयोग अनुसन्धान आयोगले जनाएको छ ।

अख्तियारले पक्राउ परेको स्थलमा मुचुल्का उठाएको छ । थप विषयमा अनुसन्धान भइरहेको आयोगले जनाएको छ ।

तपाईको प्रतिक्रिया

सम्बन्धित समाचार