आरआरआरले गर्यो ९ सय करोडको व्यापार

एजेन्सी । गत मार्च २५ देखि प्रदर्शनमा आएको साउथ फिल्म आरआरआरले विश्वव्यापी रुपमा आक्रामक ब्यापार गरिरहेको छ ।

प्रदर्शनको १० दिन (आइतबार) सम्म आइपुग्दा आरआरआरले विश्वभरबाट ९ सय करोडको व्यापार गरेको हो ।

५ सय ५० करोडको लागतमा निर्माण भएको फिल्मले प्रदर्शनको १० दिनमा ९ सय २१।८० करोडको ब्यापार गरेको ट्रेड एनालिस्ट मनोबाला विजयबालनले ट्रविटरमार्फत् जानकारी दिएका छन् ।

फिल्मले हिन्दी भाषामा मात्र २ सय करोडको ग्रस कलेक्सन गरेको छ भने नेपालमा १० दिनमा १० करोडको धमाकेदार कमाई गरेको छ ।

फिल्मले पहिलो दिन विश्वभर २ सय ५७ करोड १५ करोडको सानदार ओपनिङ गरेको थियो ।

एसएस राजामौली निर्देशित फिल्म हिन्दी, तमिल, तेलुगू, कन्नड र मलयालम भाषामा एकसाथ रिलिज भएको थियो ।

फिल्ममा साउथ सुपरस्टार राम चरण र एनटीआर जूनियरका अलावा बलिउडको प्रतिनिधित्व गर्दै अजय देवगन र आलिया भट्टले अभिनय गरेका छन् ।

तपाईको प्रतिक्रिया

सम्बन्धित समाचार