सभामुखले बोलाएको सर्वदलीय बैठक सकियो, संसद खुलाउन पहल गर्ने सहमति

काठमाडौं । सभामुख अग्निप्रसाद सापकोटाले बोलाएको सर्वदलीय बैठक सकिएको छ । सिंहदरबारमा बसेको सर्वदलीय बैठकले संसद् खुलाउन गम्भीर पहल गर्ने सहमति गरेको हो ।

प्रमुख प्रतिपक्ष दल नेकपा एमालेलाई समेत सहमतिमा ल्याएर संसद् सुरु गराउन सरकार र सत्तारुढ दलहरूले गम्भीर पहल गर्ने महत्त्वपूर्ण सहमति भएको सभामुख सापकोटाले जानकारी दिए ।

संसदमा विचाराधीन नागरिकतासँग सम्बन्धित विधेयक, हवाई उडानसँग सम्बन्धित विधेयकलगायतका जनसरोकारका विधेयकहरू पारित हुने वातावरण बनाउन आफूले प्रधानमन्त्री शेरबहादुर देउवा र दलका नेताहरूको ध्यानाकर्षण गराएको उनले बताए ।

आजको सर्वदलीय बैठक एमालेले भने बहिस्कार गरेको थियो । बैठक सिंहदरबारमा करिब ४ घण्टासम्म चलेको हो ।

तपाईको प्रतिक्रिया

सम्बन्धित समाचार