न घोडा न गाडी, जेसीबी लिएर बेहुली लिन पुगे बेहुला

काठमाडौँ । अहिले बिहेको सिजन चलिरहेको छ । विवाहको लागि टाढा टाढाबाट बेहुलासहितका मानिसहरू जन्ती लिएर बेहुली लिन जाने गर्दछन् । तर, यहीबीचमा एउटा चकित पार्ने घटना सार्वजनिक भएको छ । जहाँ एक बेहुला बेहुलीलाई लिन जेसीबी मेसिन लिएर बेहुलीको घर पुगेका छन् ।

मिडिया रिपोर्टका अनुसार यो घटना गत आइतबार भारतको गिरिपार क्षेत्रस्थित संग्राह गाउँको हो । आइतबार बिहान साँग्राबाट रत्वा गाउँका लागि बेहुला जन्तीसहित बेहुली लिन निस्किएका थिए । तर, भारी हिमपातका कारण जन्ती जाने अगाडिको बाटो बन्द भएकोले त्यहाँबाट अगाडि जान असम्भव थियो ।

यो सबै भएपछि बेहुलाका बुबा जगत सिंहले अगाडि जानको लागि जेसीबी मेसिनको व्यवस्था गरे, जसमा बेहुलाले ३० किलोमिटर यात्रा गरे । दुलहा विजय प्रकाश, भाइ सुरेन्द्र, बुबा जगत सिंह र फोटोग्राफर जेसीबीमा बसेर रातवा गाउँ पुगे । त्यसपछि त्यहाँ विवाहको सबै विधि पूरा गरी सबै दुलही लिएर फर्किए ।

मुहूर्तअनुसार बिहान आठ बजे बेहुलीको घर पुग्ने भए पनि गट्टाधर सङ्ग्राह सडकमा भारी हिमपातका कारण धेरै ठाउँमा पैदल यात्रा गर्नुपरेको थियो। सामान्यतया: दुई घण्टामा तय गरिने सो रुट हिमपातका कारण बन्द भएपछि करिब १२ घण्टा लागेको बताइन्छ ।

तपाईको प्रतिक्रिया

सम्बन्धित समाचार