झण्डै १० घण्टापछि खुल्यो नारायणगढ–मुग्लिङ सडकखण्ड

चितवन । बिहीबार राति २ बजेदेखि बन्द रहेको नारायणगढ–मुग्लिङ सडकखण्ड झण्डै १० घण्टापछि खुलेको छ ।

जिल्ला ट्राफिक प्रहरी कार्यालय चितवनका अनुसार सुख्खा पहिरोले अवरुद्ध भएको नारायणगढ–मुग्लिङ सडकखण्ड झण्डै १० घण्टापछि खुलेको हो ।

करिब १० घण्टाको प्रयासमा बिहान ११ बजे पहिरो पन्छाएपछि दुईतर्फी बाटो खुलेको प्रहरीले जनाएको छ।

इच्छाकामना गाउँपालिका–६ मा पर्ने कालीखोला नजिक पहिरो खसेर आज बिहान साढे २ बजेदेखि सडक अवरुद्ध भएको थियो ।

लामो समयसम्म गाडी जाम भएकाले अहिले सो सडकखण्डमा सवारी साधनको चाप रहेको जिल्ला ट्राफिक प्रहरी कार्यालय चितवनले जनाएको छ।

तपाईको प्रतिक्रिया

सम्बन्धित समाचार