सिंहदरबारभित्र पनि फैलियो कोरोना

 80 पटक हेरिएको

काठमाडौं । मुलुकको प्रमुख प्रशासनिक केन्द्र सिंहदरबार पनि कोरोना भाइरस महामारीको त्रासमा परेको छ ।

स्रोतका अनुसार सिंहदरबारभित्रका चार सचिवसहित सयभन्दा बढी कर्मचारीलाई कोरोना संक्रमण पुष्टि भएपछि त्रास बढेको हो । यसअघि प्रधानमन्त्री निवास बालुवाटारमा पनि कोरोना संक्रमण फैलिएको थियो। जसमा प्रधानमन्त्रीका भान्सेदेखि सचिवालयमा कम गर्ने कर्मचारीहरुमा संक्रमण पुष्टि भएको थियो।

सिंहदरबार अन्तर्गत प्रधानमन्त्री कार्यालयका सचिवहरू शिशिरकुमार ढुंगाना, रामप्रसाद थपलिया र कृष्णबहादुर रावतलाई कोरोना संक्रमण भएको छ। यस्तै, उद्याेग, वाणिज्य तथा आपूर्तिमन्त्रालयका सचिव दिनेशकुमार भट्टराईलाई पनि संक्रमण पुष्टि भएको बताइएको छ।

संक्रमित सचिवहरू होमआइसोलेसनमा छन् । थपलिया कोभिड १९ संकट व्यवस्थापन समन्वय केन्द्र (सिसिएमसिसी)का प्रमुख पनि हुन् । उनलाई काेराेना भएपछि सिसिएमसिसीकाे बैठक नै बस्न सकेकाे छैन ।

संघीय मामिला तथा सामान्य प्रशासन मन्त्रालय स्रोतका अनुसार काेराेना संक्रमण भएका कर्मचारीलाई १४ दिने काेभिड काज बिदा दिने गरिएकाे छ ।

तपाईको प्रतिक्रिया

सम्बन्धित समाचार