बढ्यो सुनको मूल्य

काठमाडौँ । आज सुनको भाउ केही बढेको छ।

मंगलबार प्रतितोला ३०० रुपैयाँले बढेको सुनको भाउ आज बुधबार पनि ४०० रुपैयाँले बढेको नेपाल सुनचाँदी व्यवसायी महासंघले जानकारी दिएको छ।

महासंघका अनुसार आज छापावाल सुन प्रतितोला ९२००० रुपैयाँमा कारोबार भइरहेको छ। छापावाल सुन मंगलबार प्रतितोला रु ९१ हजार ६०० रुपैयाँमा कारोबार भएको थियो।

महासङ्घले सार्वजनिक गरेको तथ्याङ्कनुसार आज तेजाबी सुनको मूल्य पनि बढेको छ। आज तेजावी सुन प्रतितोला रु ९१ हजार ५०० रुपैयाँमा कारोबार भइरहेको छ। मंगलबार तेजाबी सुन प्रतितोला रु ९१ हजार १०० रुपैयाँमा कारोबार भएको थियो।

यस्तै, सुनको भाउ बढेसँगै आज चाँदीको भाउ पनि बढेको छ। महासङ्घका अनुसार आज चाँदीको मूल्य प्रतितोला रु १ हजार २३५ रुपैयाँमा कारोबार भइरहेको छ। मंगलबार चाँदी प्रतितोला रु १ हजार २३० मूल्यमा कारोबार भएको थियो।

तपाईको प्रतिक्रिया

सम्बन्धित समाचार