यो वर्षको मकर संक्रान्तिमा विशेष संयोग, रोहिणी नक्षत्रलाई निकै शुभ

काठमाडौँ । सूर्य मकर राशिमा प्रवेश गरेपछि मकर संक्रान्ति मनाइन्छ। हिन्दु धर्ममा मकर संक्रान्तिको महत्व निक्कै छ। मकर संक्रान्ति पर्व यस वर्ष माघ १ गते अर्थात शनिबार मनाइँदैछ।

यस वर्ष मकर संक्रान्ति पर्व थप विशेष हुने ज्योतिषीहरुले बताएका छन्। केही विशेष संयोगले यो पर्वलाई विशेष बनाइदिएको छ।

मकर संक्रान्तिमा विशेष संयोग बनिरहेको छ । यस वर्ष मकर संक्रान्ति रोहिणी नक्षत्रमा सुरु भई साँझ ८ः१८ बजेसम्म रहने ज्योतिषीहरुले बताएका छन् । रोहिणी नक्षत्रलाई निकै शुभ मानिन्छ ।

शास्त्रका अनुसार यस नक्षत्रमा दान र पूजा गर्ने कार्य धेरै फलदायी हुन्छ। यसका साथै मकर संक्रान्तिमा ब्रह्मयोग र आनन्दादि योग पनि बन्ने भएको छ।

ब्रह्मयोग र आनन्ददी योग के हो ?

ज्योतिषीहरुका अनुसार ब्रह्मयोगलाई शान्तिपूर्ण कार्यको शुरुवात गर्न निकै शुभ मानिन्छ।

साथै, आनन्दादी योगले सबै प्रकारका असुविधाहरू हटाउँछ। यस योगमा गरिने हरेक काम बाधा र चिन्ताबाट मुक्त रहन्छ। कुनै पनि शुभ कार्यको प्रारम्भ गर्नका लागि आनन्दादी योगलाई शुभ मानिन्छ।

मकर संक्रान्तिको महत्व
हिन्दु धर्ममा मकर संक्रान्तिको विशेष महत्व रहेको छ। मकर संक्रान्तिको दिन गंगा-यमुनाजस्ता पवित्र नदीहरूमा नुहाउनाले मोक्ष प्राप्त हुन्छ।

मकर संक्रान्तिको दिन तिल-गुड़, चामल-मसूरको खिचडी आदि दान गर्नु पनि शुभ मानिन्छ। यस दिन धेरै राज्यहरूमा चङ्गा उडाउने चलन पनि छ। सूर्य मकर राशिमा प्रवेश गर्दा सूर्यदेवको पूजा गर्नु पनि धेरै फलदायी हुन्छ।

तपाईको प्रतिक्रिया

सम्बन्धित समाचार