केन्द्रीय सदस्यहरुको नाम पारितसँगै माओवादीको महाधिवेशन सकियाे

काठमाडौं । माओवादी केन्द्रको आठौं महाधिवेशनअन्तर्गत बन्दसत्रमा प्रस्ताव गरेको केन्द्रीय सदस्यहरुको नामावली पारित गरेको छ । अध्यक्ष पुष्पकमल दाहालले तयार पारेको प्रस्ताव आइतबार बेलुकी बन्दसत्रबाट पारित भएको हो ।

केन्द्रीय सदस्यहरुको महाधिवेशन हलबाट पारितसँगै माओवादीको महाधिवेशन सकिएको छ ।

हलमा अध्यक्ष मण्डलको तर्फबाट कृष्णबहादुर महराले बन्दसत्र सकिएको र सबैलाई धन्यवाद दिएका छन् । उनका अनुसार नवनिर्वाचित घोषित केन्द्रीय समितिको सोमबार बैठक बस्ने छ । उक्त बैठकले पदाधिकारी चयनको विषय टुंग्याउने उनले जानकारी दिए । माओवादी केन्द्रीय कमिटी २९९ सदस्यीय रहेको छ ।

हलबाट दाहालले ८० बाँकी अन्य केन्द्रीय सदस्यहरुको नाम घोषणा गरेका थिए । माओवादीको पहिलो केन्द्रीय कमिटीको बैठक सोमबार बस्ने बताइएको छ।

तपाईको प्रतिक्रिया

सम्बन्धित समाचार