थप १,५५८ मा संक्रमण पुष्टि, १० जनाको मृत्यु

काठमाडौं । पछिल्लो २४ घण्टामा थप १ हजार ५५८ जनामा कोरोना भाइरस संक्रमण पुष्टि हुँदा १ हजार ३५१ जना संक्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार ८ हजार ६६५ जनाको पीसीआर परीक्षणमा १ हजार ०८६ र ३ हजार ७२० को एन्टिजेन परीक्षणमा ४७२ जना गरी १ हजार ५५८ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ८३ हजार ०७५ पुगेको छ ।

जसमध्ये २३ हजार ९५० जना होम आइसोलेसनमा र १ हजार ५४७ जना संस्थागत आइसोलेसनमा रहेका छन् ।

त्यस्तै कोरोना संक्रमणका कारण पछिल्लो २४ घण्टामा १० जनाको मृत्यु भएको छ भने हालसम्म मृत्यु हुनेको संख्या ११ हजार ०१२ पुगेको छ।

तपाईको प्रतिक्रिया

सम्बन्धित समाचार