प्रमुख प्रतिपक्षी दल अनुपस्थित भएपछि सर्वदलीय बैठक निश्कर्षविहीन

काठमाडाैं । सभामुख अग्नि सापकोटाले बाेलाउनुभएकाे सर्वदलीय बैठक विना निश्कर्ष सकिएकाे छ । अवरुद्ध संसद बैठक खुलाउन बोलाएको सर्वदलीय बैठक बिनानिष्कर्ष सकिएको हाे ।

संसद भवन बानेश्वरमा सोमबार झण्डै साढे २ घण्टा बसेको बैठकमा प्रमुख प्रतिपक्ष एमाले अनुपस्थित भएपछि बैठकमा कुनै सहमति नजुटेको नेताहरुले बताएका छन् ।

बैठकमा नेताहरुले सभामुखलाई पुन: प्रतिपक्षसँग वार्ता र संवाद गरेर निकास खोज्न सुझाव समेत दिएका छन् ।

बैठकपछि सञ्चारकर्मीसँग कुरा गर्दै लोकतान्त्रिक समाजवादी पार्टीका अध्यक्ष महन्थ ठाकुरले प्रतिपक्ष एमाले बैठकमा सहभागी नै नभएपछि कुनै निचोडमा पुग्न नसकेको बताउनुभयाे ।

राष्ट्रिय जनमोर्चाकी सांसद दुर्गा पौडेलले संसद सहज रुपमा सुचारु गर्न बैठक आव्हान गरेपनि प्रतिपक्ष नआएकाले कुनै निष्कर्षमा पुग्न नसकिएको जानकारी दिनुभयाे ।

पाैडेलले बैठकमा सहभागी दलका नेताहरुले सदनलाई अनिर्णयको बन्दीबाट मुक्त गर्न प्रतिपक्ष सहभागी हुनैपर्ने भन्दै कानुन अनुसार नेकपा एकीकृत समाजवादी गठन भइसकेकाले समाजवादी पार्टी सहभागी बैठकमा आउँदिन भन्नु हठ र इगोमात्रै भएको प्रतिक्रिया दिनुभयाे ।

तपाईको प्रतिक्रिया

सम्बन्धित समाचार