बाइडेन र चिनफिङबीच टेलिफोन कुराकानी

काठमाडौं । अमेरिकी राष्ट्रपति जो बाइडेन र चिनियाँ समकक्षी सी चिनफिङबीच शुक्रबार टेलिफोनमा कुराकानी भएको छ ।

शुक्रबार बिहान दुई नेताहरूबीच टेलिफोनमा कुराकानी भएको सिन्ह्वाले जनाएको छ । अमेरिकी राष्ट्रपति कार्यालय ह्वाइटहाउसले टेलिफोन कुराकानीको पुष्टि गर्दै दुई नेताबीच आफ्ना देशहरूको स्वार्थ मिल्ने र सिद्धान्त र विचार फरक पर्ने क्षेत्रहरूका बारेमा कुरा भएको जनाएको छ ।

गत सात महिनायता विश्वका यी दुई शक्तिशाली राष्ट्रका नेताहरूबीच प्रत्यक्ष कुराकानी भएको थिएन ।

बाइडेनले गत जनवरीमा अमेरिकी राष्ट्रपतिको सपथ लिएका थिए । पछिल्लो समय अमेरिका र चीनबीच व्यापार युद्ध जारी छ । साउथ चाइना सीबारे पनि दुई देशबीच मतभिन्नता बढ्दै गएको छ ।

तपाईको प्रतिक्रिया

सम्बन्धित समाचार