नागढुंगा–नौबिसे सडकखण्डमा ठूलो पहिरो

काठमाडौं। लगातारको वर्षाका कारण खसेको पहिरोले नागढुंगा–नौबिसे सडक अवरुद्ध बनेको छ।

नागढुंगा प्रहरी चेकपोस्टका अनुसार चन्द्रागिरि नगरपालिका–२, चिसापानीमा गएको पहिरोका कारण राजमार्ग पूर्णरुपमा अवरुद्ध बनेको हो।

पहिरोका कारण उपत्यका प्रवेश गर्ने सबै गाडी रोकिएका छन्।

ठूलो पहिरोसँगै रुखसमेत बगेर आएकाले सडक तत्काल खुलाउन नसकिने नागढुंगा प्रहरीले जनाएको छ। पछिल्लो समय यस क्षेत्रमा सडक फराकिलो पार्ने क्रममा पहिरो खसेर सडक अवरुद्ध हुँदै आएको छ।

पाल्पामा घर भत्किँदा १० वर्षीया नैनाको मृत्यु

लगातारको वर्षाले घर भत्किँदा च्यापिएर गए राति एक बालिकाको मृत्यु भएको छ ।

मृत्यु हुने तानसेन नगरपालिका–५ कैलाशनगरका नारायणबहादुर दर्जीकी १० वर्षीया छोरी नैना दर्जी रहेको प्रहरीले जनाएको छ ।

सुतिरहेका अवस्थामा घर भत्किँदा ढुङ्गा र माटोले च्यापिएकी बालिकालाई तत्काल उपचारार्थ तानसेनस्थित युनाइटेड मिसन अस्पताल पुर्याइएको थियो । गम्भीर घाइते बालिकाको अस्पतालमा नै मृत्यु भएको जिल्ला प्रहरी कार्यालयका सूचना अधिकारी रामेश्वर त्वातीले बताए ।

तपाईको प्रतिक्रिया

सम्बन्धित समाचार