थप २ हजार २१२ जनामा कोरोना भाइरस संक्रमण पुष्टि, ३३ जनाको मृत्यु

काठमाडौं । पछिल्लो २४ घण्टामा थप २ हजार २१२ जनामा कोरोना भाइरस संक्रमण पुष्टि हुँदा १ हजार ८७६ जना संक्रमणमुक्त भएका छन् भने ३३ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ८ हजार ८०८ जनाको पीसीआर परीक्षणमा १ हजार ७९३ र ४ हजार ०१८ को एन्टिजेन परीक्षणमा ४१९ जना गरी २ हजार २१२ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ३२ हजार २७२ जना पुगेको छ ।

जसमध्ये ३५ हजार ०१८ जना होम आइसोलेसनमा र ४ हजार २८० जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म १० हजार २९२ जनाको मृत्यु भएको छ ।

यसअघि हिजो शनिबार २,६२४ संक्रमित थपिदा जम्मा १,३२० जना संक्रमणमुक्त भएका थिए भने २० जनाको मृत्यु भएको थियो ।

तपाईको प्रतिक्रिया

सम्बन्धित समाचार