राप्रपाका अध्यक्ष कमल थापाले किन गरे गुन्यूचोलीका कुरा ?

  पहिलोपेज

 605 पटक हेरिएको

काठमाडौं, २ बैशाख । पूर्व उपप्रधानमन्त्री एवं राप्रपा अध्यक्ष कमल थापाले राष्ट्रिय पोशाक गुन्यूचोली, दौरा, सुरुवाल कुनै जाति र धर्मका मानिसको नभएर आम नेपालीको पहिचान भएको बताएका छन् ।

राजधानीको कमलादीस्थित प्रज्ञा प्रतिष्ठानमा गुन्यूचोली तथा साँस्कृतिक पोशाक राष्ट्रिय सचेतना अभियानले आइतबार आयोजना गरेको कार्यक्रममा बोल्दै अध्यक्ष थापाले यस्तो बताएका हुन् । अध्यक्ष थापाले भने, ‘‘राष्ट्रिय पोशाक कुनै जाति र धर्मका मानिसको मात्रै हो भन्ने भ्रम छरिएको छ । यस्ता भ्रम चिर्नु आवश्यक छ । नेपालका बहुसंख्यक जनताले स्वीकार गरेको र बर्षौंदेखि चलिआएको पोशासक कसैलाई चित्त नबुझदैमा हटाउने र कसैलाई मन लागेमा राख्ने भन्ने हुँदैन ।’’

कार्यक्रममा बोल्दै अभियानकी संयोजक लक्ष्मी भद्रा ओझाले गुन्यूचोली नेपालको साँस्कृतिक पोशाक भएको दाबी गरिन् । उनले भनिन्, ‘‘नेपाली पोशाक हाम्रो संस्कार र संस्कृतिसँग जोडिएको छ, । यद्यपि पछिल्लो समयमा हाम्रा रीतिरिवाज, संस्कार क्रमशः लोप हुँदै गएकोले राष्ट्रिय सचेतना अभियानको शुरु गर्नुपर्ने अवस्था आएको छ ।’’

गुन्यूचोली तथा साँस्कृतिक पोशाक राष्ट्रिय सचेतना अभियानले दोस्रो वार्षिकोत्सवमा अभियन्ता मोहना क्षेत्री, दीपा सापकोटा, शान्ति केसी, विजयता नेपाल, आशा दाहाल लगायत सञ्चारकर्मीहरुलाई सम्मान पनि गरेको थियो । उक्त सम्मेलनमा देशभरबाट करिव ३ सयभन्दा बढी सहभागी छन् । हालसम्म यो अभियानमा स्वतःस्फुर्तरुपमा ७ हजार महिलाहरु अभियानबद्ध भएको अभियानकी सदस्य दीपा सापकोटाले बताइन् ।

तपाईको प्रतिक्रिया

सम्बन्धित समाचार