जनकपुरमा दुःखद घटना, प्राधिकरणको लापरवाहीले यसरी गयो दुई जनाको ज्यान

  निरंजन साह

 5641 पटक हेरिएको

जनकपुरधाम, ५ माघ । प्रदेश नम्बर दुईमा नेपाल विद्युत प्राधिकरणको लापरवाहीका कारण धनुषामा दुई जनाको मृत्यु भएको छ ।

धनुषा जिल्लाको जनकपुरधाम उपमहानगरपालिका वडा नम्बर १२ मा ११ हजार भोल्टको नाङ्गो तारमा सटेर दुई जनाको मृत्यु भएको हो । मृत्यु हुनेमा सिराहा घर भई हाल जनकपुरधाममा बस्दै आएका जगरनाथ साह र धनुषा मिथिलेश्वर मवाहीका परमेश्वर मण्डल रहेका छन् । मृतकहरु ज ८ प ७७०९ नम्बरको बुलेट मोटरसाइकलमा सवार रहेका थिए ।

विद्युतको ११ हजार भोल्टको नाङ्गो तार बाटोमा भएको बेला मोटरसाइकलको लेगार्र्ड त्यसमा टाँसिएर एकजनालाई करेन्ट लागेको थियो । उनलाई बचाउन जाँदा अर्का व्यक्तिको पनि मृत्यु भएको हो । नेपाल विद्युत प्राधिकरणको लापरवाहीका कारण यस भन्दा पहिला पनि यस्तो घटना भएका थिए ।

नाङ्गो तार जमिनमा खसेको गुनासो गर्दा पनि नेपाल विद्युत प्राधिकरणले अटेरी गर्दा जमिनमा अलपत्र रुपमा तार खसेको थियो । मृतकहरुलाई जनकपुर अञ्चल अस्पतालमा पठाइएको छ ।

तपाईको प्रतिक्रिया

सम्बन्धित समाचार