मिडियामा समाचार आएपछि खानेपानी मन्त्री बिना मगरको यस्तो एक्सन

  पहिलोपेज

 2244 पटक हेरिएको

रकमान्तरको छानविन गर्न सातै प्रदेशमा खानेपानी मन्त्रालयको छानविन टोली


काठमाडौं, ७ कार्तिक । खानेपानी मन्त्रालयले रकमान्तरबारे छानविन गर्न सातवटै प्रदेशमा अनुगमन टोली गठन गरेको छ । बुधबार दिउँसो मन्त्रालयमा बसेको बैठकले छानविन टोली गठन गरेको हो ।

खानेपानी मन्त्रालयका सचिव गजेन्द्रकुमार ठाकुरको अध्यक्षतामा बसेको बैठकले छानविन टोली गठन गरेको हो । बैठकले रकमान्तरका विषयमा भएको यथार्थ कुरा १५ दिनभित्र बुझाउन टोलीलाई निर्देशन पनि दिइएको छ ।

अनुगमन टोलीमा प्रदेश नं. १ मा अरुण सिम्खडा, कमलकान्त पौडेल र नरेश रेग्मी रहेका छन् । प्रदेश नं. २ मा नन्दलाल बञ्जाडे, नारायण पाण्डे र समित यादव रहेका छन् । त्यस्तै, प्रदेश नं. ३ मा रमाकान्त दुवाडी, अनोज उपाध्याय र रामचन्द्र ढंगाल, प्रदेश नं. ४ मा चन्द्रबहादुर केसी, महेन्द्र महर्जन र लोकबहादुर खड्का रहेका छन् ।

त्यसैगरी प्रदेश नं. ५ मा प्रदीप मुडवरी, तिलकराम श्रेष्ठ र राजेन्द्र घिमिरे, प्रदेश नं. ६ मा प्रेमकृष्ण सिंह, सुधिर शाह र नवराज न्यौपाने तथा प्रदेश नं. ७ मा पूर्णप्रसाद उपाध्याय, मधुसुदन खनाल र भक्तबहादुर शाह रहेका छन् । अनुगमन टोलीले रकमान्तरका विषयमा अध्ययन र छानविन गर्नेछ ।

बुधबार केही सञ्चारमाध्यममा खानेपानी मन्त्रालय मातहतका कार्यालयहरुमा रकमान्तर भएको भन्ने समाचार आएपछि मन्त्रालयले आकस्मिक बैठक आव्हान गरेको हो । खानेपानी मन्त्री बिना मगरको निर्देशनमा बसेको बैठकले यथार्थ विवरण आएपछि थप निर्णय लिने जनाएको छ ।

मन्त्रालयको स्वीकृतिबिना गरिएको रकमान्तर मान्य नहुने भन्दै यथाशीघ्र छानविन टोली गठन गर्न खानेपानी मन्त्री बिना मगरले सचिव ठाकुरलाई निर्देशन दिएकी थिइन् । रकमान्तरबारे थप रिपोर्ट आएपछि पुनः बैठक बसेर आवश्यक कार्वाही गर्ने सचिव ठाकुरले जानकारी दिए ।

तपाईको प्रतिक्रिया

सम्बन्धित समाचार