रौतहटमा जलाइयो संविधान, सिके राउतका २९ कार्यकता पक्राउ

  पहिलोपेज

 310 पटक हेरिएको

काठमाडौं, ३ असोज । नेपालको संविधान जारी भएको आजको दिनमा रौतहटमा संविधान जलाइएको छ । संविधान जलाइएपछि सिके राउतका २९ कार्यकर्ताहरु पक्राउ परेका छन् ।

यसअघि सिके राउतले एक भिडियो सन्देशमार्फत सरकारलाई “फिरङ्गी सरकार”को संज्ञा दिँदै आजको दिनलाई “कालो दिवस”को रुपमा मनाउन आव्हान गरेका थिए । एक भिडियो सन्देशमा उनले “फिरङ्गी सरकार”ले आजैको दिन मधेसको अधिकार खोसेको आरोप लगाएका छन् ।

“आजैको दिन फिरङ्गी सरकारले संविधान जारी गरी मधेसको अधिकार खोसेको हो”, राउतले भिडियो सन्देशमा भनेका छन्, “संविधान जारी गरेर मधेसमा नेपालको औपनिवेशिक शासनलाई निरन्तरता दिएको हो ।” उनले नेपालको संविधानले मधेसी जनताको स्वतन्त्रता, सहिदको सपना र चाहनालाई ठुकराइएको आरोप लगाएका छन् ।

मेचीदेखि महाकालीसम्म पूरै मधेसमा कालो दिन मनाउन आव्हान गर्दै उनले आज जुनसुकै बाधा र व्यवधानका बीच पनि जनकपुरमा जम्मा भएर कालो दिवस मनाउन आव्हान गरेका छन् । “चले जनकपुर, भरे जनकपुर” भन्ने नारा लगाउँदै मधेसको माटोका लागि बलिदानी दिएका सहिदहरुप्रति श्रद्धाञ्जली दिन कालो दिवस मनाउने घोषणा पनि गरेका छन् ।

तपाईको प्रतिक्रिया

सम्बन्धित समाचार