निर्मला पन्तका बाआमा प्रधानमन्त्री ओलीलाई भेट्दै

  पहिलोपेज

 112 पटक हेरिएको

काठमाडौं, १ असोज । बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्तका बुवाआमाले आज प्रधानमन्त्री केपी शर्मा ओलीलाई भेट्दैछन् । आमा दुर्गादेवी र बुवा यज्ञराज पन्तले प्रधानमन्त्री ओलीलाई घटना भएको ५४ औं दिनमा भेट्न थालेका हुन् ।

प्रधानमन्त्री ओलीले निर्मलाका बुवा र आमासँग भेटी घटनाका सम्बन्धमा भइरहेको अनुसन्धान र हत्याराको खोजीमा भइरहेका पहलबारे मृतक निर्मलाका परिवारलाई जानकारी गराउने भएका छन् । छोरीको हत्याराको पहिचान गरी आफूहरुलाई न्याय दिलाउन भन्दै बुवा यज्ञराज र आमा दुर्गादेवी ६ दिनअघि काठमाडौं आएका थिए ।

सरकारले नै अपराधीलाई सरंक्षण दिएको भन्दै जनस्तरमा आक्रोश बढेपछि सरकारमाथि थप दवाव बढेको छ । गत साउन १० गते निर्मलाको बलात्कारपछि हत्या गरिएको थियो । उनको शव भोलिपल्ट उखुबारीमा भेटिएको थियो ।

तपाईको प्रतिक्रिया

सम्बन्धित समाचार