सभामुख महरा नेतृत्वको भ्रमण टोलीले के गर्दैछ चीनमा ?

  पहिलोपेज

 344 पटक हेरिएको

ल्हासा, २३ भदौ । चीन भ्रमणमा रहेका सभामुख कृष्णबहादुर महराले आज (शनिबार) बिहान तिब्बतस्थित नेपाली महावाणिज्य दूतावासको अवलोकन भ्रमण गरेका छन् । दूतावासमा सभामुख महरा नेतृत्वको प्रतिनिधिमण्डललाई ल्हासास्थित नेपाली महावाणिज्य दूत गोविन्द कार्कीले स्वागत गरेका थिए ।

सो अवसरमा सभामुख महराले नेपाल र तिब्बतबीच व्यापार बढाउन महावाणिज्य दूतावासको महत्वपूर्ण भूमिका रहने भन्दै त्यसतर्फ गम्भीर भएर लाग्न आग्रह गरे । उनले नेपालसँग सीमा जोडिएको चीन (तिब्बत)बाट व्यापारिक रुपमा धेरै फाइदा लिन सकिने बताए ।

भेटमा महावाणिज्य दूत गोविन्द कार्कीले महावाणिज्य दूतावासको अवस्था, नेपाल तिब्बत व्यापारको गति र सम्भावनाका बारेमा जानकारी गराएका थिए । सभामुख महराले भोलि नै ल्हासास्थित नेपाली महावाणिज्य दूतावास भवनको शिलान्यास गर्ने कार्यक्रम रहेको छ ।

तपाईको प्रतिक्रिया

सम्बन्धित समाचार