सर्वोच्चको आदेशले छुटेका प्रकाण्डलाई फेरि पक्रेर भोजपुर लगियो

  पहिलोपेज

 333 पटक हेरिएको

काठमाडौं, १९ भदौ । नेत्रविक्रम चन्द “विप्लव” नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकमा “प्रकाण्ड”लाई भोजपुर लगिएको छ । मंगलबार श्री एयरलाइन्सको विमानमा विराटनगर विमानस्थल हुँदै भोजपुर लगिएको हो बताइएको छ ।

सर्वोच्च अदालतको आदेशमा छुटेका प्रकाण्डलाई काठमाडौंबाट फेरि पक्राउ गरी विराटनगर हुँदै भोजपुर लगिएको बताइएको छ । चुनावका बेला भोजपुरमा बम पड्काएको आरोप उनीमाथि लगाइएको छ । प्रदेश १ का मुख्यमन्त्री शेरधन राईलाई लक्षित गरी चुनावका बेला राईको गाडीमा बम पड्काएको आरोपमा पक्राउ गरी कानुनी कारबाहीको लागि भोजपुर लगिएको प्रहरी स्रोतले जनाएको छ । प्रकाण्डलाई जिल्ला अदालत भोजपुरमा हाजिर गराउन लगिएको बताइएको छ ।

विभिन्न आरोपमा पक्राउ पर्दै आएका प्रकाण्डलाई सर्वोच्च अदालतले छाड्ने आदेश दिएको थियो । सर्वोच्चको आदेशले छुटे पनि उनलाई प्रहरीले पुःन नयाँ आरोप लगाएर पक्राउ गर्दै आएको छ । जिल्ला अदालत भोजपुरमा प्रकाण्डका विरुद्ध ३ वटा मुद्दा दायर भएका छन् । जसमा २ वटा विष्फोटक पदार्थसम्बन्धी र १ वटा ज्यान मार्ने उद्योगमा मुद्दा दता रहेको बताइएको छ । उनी फरार प्रतिवादीको रुपमा रहेको जिल्ला अदालतको अभिलेखमा रहेको सूचना अधिकारी मणिराम पोखरेलले बताए । प्रकाण्डलाई प्रक्राउका लागि जिल्ला अदालत भोजपुरबाट वारेन्ट समेत जारी भएको थियो ।

तपाईको प्रतिक्रिया

सम्बन्धित समाचार