तुलसीपुरका कृषकहरुलाई औषधि ट्यांकी, किसानहरु दङ्ग

  पहिलोपेज

 538 पटक हेरिएको

तुलसीपुुर, १५ भदौ । तुलसीपुर उपमहानगरपालिका वडा नम्बर १ ले कृषि प्रवद्र्धन कार्यक्रम अन्तर्गत कृषकहरुलाई बालीमा औषधि हाल्ने ट्याङ्की वितरण गरेको छ । वडामा रहेका २१ वटा टोल विकास संस्थालाई यस्तो ट्याङ्की वितरण गरिएको हो ।

कृषकहरुको बाली सुधार गर्न र उत्पादन बढाउनका लागि यस्तो कार्यक्रम गरिएको वडाध्यक्ष लक्ष्मण भण्डारीले बताए । उनले वडामा व्यवसायिक कृषि प्रणालीको थप विकास गर्नका लागि अन्य कार्यक्रमहरु पनि सञ्चालन गरिने बताए । ट्याङ्की पाएपछि उत्साहित भएका किसानहरुले व्यवसायिक खेतीतर्फ अगाडि बढ्नका लागि हौसला बढेको बताए ।

कृषक देवी अर्यालले किसानलाई सरकारले थप सहयोग गर्नुपर्ने बताउँदै ट्याङ्की पाएर निकै खुसी भएको बताए । ट्याङ्कीले गरिब किसानहरुलाई निकै राहत भएको भन्दै किसान रते खड्काले खुसी व्यक्त गरे ।

यसैबीच सो अवसरमा टोल विकास संस्थाका बारेमा तालिम समेत दिइएको थियो । वडामा रहेका २१ वटै टोल विकास संस्थाका प्रतिनिधिहरुलाई टोल विकास संस्थाको गठन, परिचालन, काम, कर्तव्य र अधिकारका बारेमा तुलसीपुर उपमहानगरपालिकाका सूचना अधिकारी झरेन्द्र खरेलले तालिम दिएका थिए ।

तपाईको प्रतिक्रिया

सम्बन्धित समाचार