राजधानीमा देखियो सस्तो प्याज किन्ने उपभोक्ताहरुको यस्तो लर्को

  पहिलोपेज

 257 पटक हेरिएको

काठमाडौं । खाद्य व्यवस्था तथा व्यापार कम्पनी लिमिटेडले व्यवसायीबाट नियन्त्रणमा लिएको प्याज बिक्री गरेको छ ।

थापाथली बिक्री कक्षबाट प्रतिकेजी ६० रूपैयाँमा प्याज सर्वसाधारणलाई बिक्री गरिएको कम्पनीले जनाएको छ । एक व्यक्तिले ३ केजीसम्म किन्न पाउनेछन् ।

कम्पनीका अनुसार शुक्रबार १७ क्वीन्टल बिक्री भएको छ भने आइतबार लगभग २९ क्विन्टल बिक्री भएको थियो । बजारभाउ भन्दा केही सस्तोमा प्याज बिक्री गरिएपछि प्याज किन्नका लागि सोमबार पनि उपभोक्ताको लामो लाइन लागेको थियो ।

सरकारले बजार अनुगमनका क्रममा बढी मूल्य लिएर बिक्री गर्न लागेका प्याज जफत गरी सर्वसाधारणलाई बिक्री गर्न थालेको हो । बजार अनुगमनका क्रममा १४ हजार ६०० केजी प्याज सरकारले नियन्त्रणमा लिएको थियो ।

बिक्री भएको प्याजको रकम ५२ रूपैयाँ राजस्व र ८ रूपैयाँ खाद्य कम्पनीको खातामा जिम्मा गरिने छ ।

केही दिनअघि बजारमा प्याजको कृत्रिम अभाव खडा गरी अत्यधिक मूल्य लिएर प्याज बिक्री भइरहेको सूचनाका आधारमा उपत्यकाका विभिन्न पसलमा अनुगमन गरिएको छ ।

तपाईको प्रतिक्रिया

सम्बन्धित समाचार