भ्रष्टाचार र ढिलासुस्ती लोकतन्त्रका शत्रु हुन् : मेयर पाण्डे

  पहिलोपेज

 215 पटक हेरिएको

तुलसीपुर, ११ बैशाख । तुलसीपुर उपमहागनरपालिकाका नगर प्रमुख घनश्याम पाण्डेले भ्रष्टाचार, ढिलासुस्ती र अनियमितता लोकतन्त्रका शत्रु भएको बताएका छन् । मानव अधिकार तथा शान्ति समाज दाङले लोकतन्त्र दिवसको अवसरमा आयोजना गरेको अन्तक्र्रिया कार्यक्रमलाई सम्बोधन गर्दै उनले अहिले फिल्टर गर्ने कार्य भइरहेको बताए ।

भ्रष्टाचारमा अहिले पनि केही व्याक्टेरिया भएको भन्दै यसको उन्मुलनमा स्थानीय सरकारदेखि संघिय सरकार लागिपरेको बताए । अनौपचारिकरुपमा आर्थिक कारोबार गरेर बैकीङ प्रणालीमा नआएर मिटर व्याजमा प्रसा लगाउनेलाई निगरानीमा राखेको नगर प्रमुख पाण्डेले बताए । राजनीतिक क्षेत्रमा लोकतन्त्रको सफलता भएपनि आर्थिक क्षेत्रको समस्या ज्युकोत्यु रहेको उनले बताए ।

राजनीतिलाई आर्थिकसँग जोडेर गरिबी निवारणका लागि गाउँबस्तीमा गएर काम गर्नुपर्ने भन्दै नगर प्रमुख पाण्डेले लोकतन्त्रलाई बलियो बनाउन लोकतान्त्रिक संस्कार, विधि र प्रक्रियालाई पनि बलियो बताउनुपर्ने बताए । सो अवसरमा बोल्ने अन्य वक्ताहरुले अहिले पनि जनताको मनमा भय र त्रासको वातावरण भएको बताए । मुलुकमा राजनीतक क्षेत्रमा युगान्तकारी परिवर्तन भएपनि जनताको जीवनमा कुनै परिवर्तन नहुँदा उनीहरुमा निराशा छाएको बताए ।

शान्ति समाज दाङका सभापति शरद रेग्मीको अध्यक्षतामा भएको कार्यक्रममा नेपाली कांग्रेसका नेता सुरेन्द्र खड्का, शान्ति समाजका केन्द्रीय पूर्व सभापति मोहन धिताल, नागरिक समाजका सल्लाहकार टीकाराम रेग्मी, नेत्र ज्योति संघ दाङका अध्यक्ष कुष्णकुमार गिरी, आपांग संघका हुमाकान्त कँडेल, तुलसीपुर उद्योग वाणिज्य संघका वरिष्ठ उपाध्यक्ष रामप्रसाद चालिसे, पत्रकार नारायणी रजौरे, सम्झना डाँगी, उषा गौतम लगायतले बोलेका थिए ।

तपाईको प्रतिक्रिया

सम्बन्धित समाचार