अप्रिल फुल उपन्यासका लेखक आचार्यसँग बुटवलमा यस्तो बहस

  पहिलोपेज

 452 पटक हेरिएको

बुटवल १३ असोज । पत्रकार कृष्ण आचार्यद्वारा लिखित उपन्यास ‘अप्रिल फुल’ का बारेमा शनिवार बुटवलमा साहित्यकारहरुवीच अन्तक्रिया गरिएको छ । लेखक आचार्यको उपस्थीतिमा भएको कार्यक्रममा साहित्य क्षेत्रका विभिन्न ब्यक्तिहरुले पुस्तकका बारेमा चर्चा गरेका थिए ।

अप्रिल फुल पुस्तकमा लेखकले सरल भाषा प्रयोग गरेको र अहिलेको सामाजिक अवस्थाको चित्रण गरेको बताएका थिए । ‘अप्रिल फुल’ले वर्तमान युवापुस्ताको मनोवैज्ञानिक भावनाको प्रतिनिधित्व गरेको भन्दै लेखक आचार्यको लेखनशैलीको पनि प्रसंशा गरेका थिए । नयाँ पत्रिका दैनिकमा कार्यरत आचार्यको पहिलो कृति को समिक्षा गर्दै बरिष्ठ गजलकार बाबु त्रिपाठीले अप्रिल फूल पुस्तकमा सामाजिक अवस्थाहरु जोडिएको र यसमा प्रेम मात्र नभएर झुक्किएका विषयहरु पनि समेटिएको बताए । त्यस्तै बुटवलका साहित्यकार गिरि श्रीष मगरले उपन्यासमा प्रयोग भएको भाषा सरल रहेको भन्दै उपन्यासका बारेमा चर्चा गरेका थिए । उनले लेअकलाई अझ धेरै कृतिहरु लेख्न पनि सुझाव दिएका थिए ।

त्यस्तै अर्का साहित्यकार राजेन्द्र आचार्यले उपन्यास युवा पुस्ता, प्रेम प्रसगमा केन्द्ीत रहेर शुरुवात भएको भन्दै शुरुवात राम्रो रहेको बताए । उपन्यासमा छोटा र सरल बाक्यहरु प्रयोग भएकाले पढनलाई पनि सरल रहेको बताएका थिए । त्यस्तै लेखक रामचन्द्र श्रेष्ठले पनि उपन्यास क्षेत्रका बारेमा चर्चा गरेका थिए । कार्यक्रममा पुस्तकका लेखक आचार्यले पुस्तक सिर्जना गर्दाका अनुभव देखि पुस्तकमा समेटिएका विषयबारे जानाकारी गराएका थिए ।

गजल सागर नेपालले आयोजना गरेको पुस्तक अन्तरक्रियामा साहित्यकारहरु गिरि श्रीष मगर, यज्ञलाल सुवेदी, मिनवहादुर राना, कृष्ण गाउले, रामचन्द्र श्रेष्ठ, अमृत भुसाल पियुष, सरिता श्रीष, पुनाराम गिरि, पुरुषोत्तम पाण्डे, यज्ञ न्यौपाने, ईश्वर ढकाललगायतले रचना वाचन तथा साहित्य क्षेत्रका बारेमा चर्चा गरेका थिए ।

तपाईको प्रतिक्रिया

सम्बन्धित समाचार