वडा कार्यालयमा आगो लाग्यो, कारण अझै रहस्यमै

बिष्णुकुमार आले

अर्घाखाँची, २३ असार । अर्घाखाँचीको शितगंगा नगरपालिका वडा नं. ९ लामिदमारमा रहेको वडा कार्यालयमा आगजनी भएको छ । आगलागी भएको हप्ता दिन पूरा हुन लाग्दा समेत आगो कसले र किन लगायो भन्नेबारे अझै पत्ता लाग्न सकेको छैन ।

घटना हुनेबित्तिकै इलाका प्रहरी कार्यालय ठाडा, सिद्धारा प्रहरी चौकीबाट प्रहरीको टोली, शितगंगा नगरपालिकाको कार्यालयबाट नगर प्रमुखसहितको कर्मचारीको टोली घटनास्थलमा पुगेर घटनाको प्रारम्भिक अनुसन्धान सुरू गरेको थियो । तर अहिलेसम्म न त अभियुक्त पत्ता लागेको छ न त घटनाको कसैले जिम्मा लिएको छ ।

अभियुक्त पत्ता नलागेपछि त्यस क्षेत्रका नागरिक त्रसित भएका छन् । सरकारी कार्यालयमा गैर जिम्मेवारी रूपमा आगजनी हुनु, घटनाको कसैले जिम्मा नलिनु, अभियुक्त पनि पत्ता नलाग्नुले घटना गहिरो रूपमा रहस्यमय बन्दै गएको छ । छिटोभन्दा छिटो घटनाको गहिरो अनुसन्धान गरी दोषीमाथि कारवाही गर्न सम्बन्धित निकायलाई स्थानीयबासीले आग्रह गरेका छन् । यही असार १७ गते अज्ञात समूहले करिब राति ११ः४५ वजे आगजनी गरेको थियो ।

स्थानीयहरुले तीनजनाको समूह आएर वडा कार्यालयमा आगजनी गरेको बताएका छन् । आगजनीबाट कार्यालयका फर्निचर तथा महत्वपूर्ण कागजात जलेर नष्ट भएको थियो । कार्यालयको ढोकाको ताला फोरेर गरिएको आगजनीबाट कार्यालयको प्रशासन कोठाको साथै नजिकै रहेको स्वास्थ्य इकाईमा समेत क्षति भएको छ । आगजनीबाट दर्ता गरिराखिएका महत्वपूर्ण कागजात जलेर नष्ट भएको वडा अध्यक्ष भीम केसीले बताए ।

प्रकाशित मिति : शनिवार, आषाढ २३, २०७५ समय : १०:४७:१६ 113 पटक पढिएको

Android App

Download android application

Pahilopage android application in Play Store

Masina_ghaderi

Masina_ghaderi