डा. गोविन्द केसीको स्वास्थ्य अवस्था खतरामा, खतराको जिम्मा प्रतिष्ठानले नलिने

पहिलोपेज

सुर्खेत, १८ असार । जुम्लामा शनिबारदेखि अनसनमा बसेका हाडजोर्नी चिकित्सक डा. गोविन्द केसीको स्वास्थ्य अवस्था खतरामा रहेको छ । डा. केसीको हातखुट्टा, टाउको, छाती दुख्ने समस्या बढ्दै गएको कर्णाली स्वास्थ्य विज्ञान प्रतिष्ठान जुम्लाका मेडिकल डाइरेक्टर डा. पुजन रोकायाले बताए ।

“२४ घण्टामा २०० मिलिलिटर मात्र पिसाब भएको छ । स्वास्थ्य दैनिकरुपमा निकै खस्किँदै गएकाले अवस्था खतरायुक्त छ”, मेडिकल डाइरेक्टर रोकायाले भने । बत्ती नभएको, भंगेराको दिसा झर्ने ठाउँमा मैनबत्ती बालेर अनसन बसेकाले डा. केसीको सुरक्षा र स्वास्थ्य उपचारार्थ पहल गर्न मेडिकल टिमले प्रशासनलाई ध्यानाकर्षण गराइसकेको उनले बताए । स्वास्थ्य अवस्था खतरायुक्त भएकाले त्यसको जिम्मेवारी अब आफूहरुले नलिने उनले बताए ।

जुम्लाका प्रमुख जिल्ला अधिकारी विष्णु पौडेलले डा. केसीको सुरक्षा अवस्थामा निकै संवेदनशील भएको बताए । “डा. केसीको माग आफ्नो ठाउँमा छन् र हामीले सम्मान गरेका छौँ तर उहाँको मागलाई आन्दोलनको रुप दिएर हुलदंगा मच्चाउने, अपराधीकरणतिर लिन दुस्प्रयास गर्ने र शान्ति सुरक्षामा खलल पु¥याउनेलाई कडाइ गरेका छौं”, प्रमुख जिल्ला अधिकारी पौडेलले भने ।

डा. केसीको स्वास्थ्य अवस्था भने हिजोभन्दा आज बिगँ्रदै गएको प्रजिअ पौडेलले बताए । यो समस्याको सहजीकरण कसरी गर्ने भन्ने विषयमा लागि परेको उनको भनाइ छ । अनसनरत डा. केसीका समर्थकले भने उनको मानवअधिकारको सुरक्षा र राखेका मागको अविलम्ब सम्बोधन गर्न सरकारलाई दबाब दिँदै आइरहेका छन् ।

प्रकाशित मिति : सोमवार, आषाढ १८, २०७५ समय : १०:३९:५९ 146 पटक पढिएको

Android App

Download android application

Pahilopage android application in Play Store

Masina_ghaderi

Masina_ghaderi