अजय बन्नेछन् कपिलको नयाँ शोको पहिलो पाहुना

मुम्बई – कमेडियन कपिल शर्मा आफ्नो नयाँ शो ‘फ्यामिली टाइम विथ कपिल’का साथ देखिँदै छन् । उनको यो कार्यक्रम २५ मार्चबाट सोनी टिभीमा सुरु हुँदैछ । कपिलले यो शोको पहिलो गेस्ट अजय देवगन बनाउने भएका छन् ।

अजयले यो कार्यक्रममा आफ्नो आउँदो चलचित्र ‘रेड’को प्रमोशन गर्नेछन् । जुन चलचित्र १६ मार्चमा रिलिज हुँदैछ । यस अगाडि गतबर्ष अजय कपिलको ‘द कपिल शर्मा शो’मा चलचित्र ‘बादशाओ’ लिएर पुगेका थिए । तर कपिल शर्माले शोको सुटिङ रद्द गर्दिएकोले अजय रिसाएका थिए ।

केही मिडियाले यो घटनाको अजय र कपिल बिच मनमुटाव शीर्षकमा अनेक समाचार समेत बनाएका थिए । समाचारमा अजयले कपिलको शोमा कहिलै नजाने फैसला गरेको समेत भनिएको थियो । तर केही समय पछि अजयले कपिलका साथ आफ्नो केही गुनासो नभएको समेत बताएका थिए ।

खबरका अनुसार कपिलले अजयका साथ कार्यक्रमको प्रोमो समेत छायाँकन गरेका छन् । प्रोमोमा देखाइएको छ कपिल अजयलाई शोमा नित्याउन फोन गर्दछन् । तर अजय शोमा आउन तयार हुँदैनन् । केही समयपछि अजय शोका लागि फेरि राजी हुन्छन् । अहिलेको शोमा कीकु शारदा फिमेल गेटअपमा रहने छन्, भने चन्दन प्रभाकर साथीको भूमिकामा हुनेछन् ।

प्रकाशित मिति : मङ्गलवार, फाल्गुण २९, २०७४ समय : १:०८:४५ 121 पटक पढिएको

Android App

Download android application

Pahilopage android application in Play Store

Masina_ghaderi

Masina_ghaderi